 |
| Hafliði 2ja til 4ra vikna |
 |
| Hafliði 3 |
28. ágúst 2009
4. ágúst 2009
Nafn á nýja strákinn
Nýjast fjölskyldumeðlimurinn hefur hlotið nafn. Nú heitir hann Hafliði Sveinsson Zoëga.
Húrra fyrir því ;-)
Hafliði: sægarpur, farmaður
4. júní 2009
1. apríl 2009
18. mars 2009
Bloggleysi
Vil taka það fram til að fyrirbyggja allan misskilning að ástæða bloggleysisins hér er ekki að við hjónaleysin séum svo upptekin við að pota í fólk á fésbók heldur almenn leti og framtaksleysi.
22. janúar 2009
Nýjar myndir
Í tilefni 2ja ára afmælis Freys þá hafa verið settar inn myndir frá Desember, jólum og áramótum.
Afmælismyndir væntanlegar eftir helgi.
Góðar stundir.
Afmælismyndir væntanlegar eftir helgi.
Góðar stundir.
19. nóvember 2008
Ísafjarðarferð
Um síðustu helgi fórum við í skotferð til Ísafjarðar, flugum báðar leiðir (með millilendingu í Kreppuvík). Freyr stóð sig vel í flugferðunum, var stilltur og prúður og þótti þetta bara nokkuð spennandi. Það var svo að vonum gaman að hitta frændfólkið fyrir vestan og þurftum við lítil afskipti að hafa af Frey þessa helgina - hann var upptekinn við leika við frændur sína.
Freyr hefur sloppið nokkuð vel frá haustpestunum, en hefur þó verið nokkra daga heima með hita.
Freyr er alltaf að bæta við orðaforðann og setningafræðina, spurði mömmu sína t.d. um daginn "ert'a skipta á mér ?". Fyrir vestan sagði hann áhyggjufullur: "Kári detta niður, og amma líka!" þegar Kári og Sýbilla kútveltust um sleðabrekkuna eftir frækilegt stökk.
Svo er Freyr líka orðinn duglegur að syngja með helstu barnalögum og biður ósjaldan um óskalög.
Freyr hefur sloppið nokkuð vel frá haustpestunum, en hefur þó verið nokkra daga heima með hita.
Freyr er alltaf að bæta við orðaforðann og setningafræðina, spurði mömmu sína t.d. um daginn "ert'a skipta á mér ?". Fyrir vestan sagði hann áhyggjufullur: "Kári detta niður, og amma líka!" þegar Kári og Sýbilla kútveltust um sleðabrekkuna eftir frækilegt stökk.
Svo er Freyr líka orðinn duglegur að syngja með helstu barnalögum og biður ósjaldan um óskalög.
26. september 2008
Vetrarrútína
Jæja gott fólk. Ég þurfti hreinlega að hringja í Svenna og spyrja hvernig maður á að blogga það er svo langt síðan að ég hef gert það! Það er allt fínt að frétta af okkur. Vetrarrútinan komin á Freyr búinn að vera í bráðum mánuð á leikskóla og það gengur bara mjög vel, ekkert vesen á honum. Hins vegar ef hann er spurður útí skólann svarar hann alltaf eins ,,skoli búinn bili". Vetrarrútínan hjá Svenna er svo sem bara eins og sumarrútínan, vinna og Björgunarsveit, nema að hann er að gera tilraun til að synda á morgnana. Það eru meiri öfgar hjá mér, á sumrin geri ég ekki rassgat í allt of langan tíma en á veturna er allt í gangi. Ég vinn þó bara til 14:30 og sæki Frey þá en svo er ég að þjálfa hóp kvenna í blaki tvisvar í viku og æfi sjálf tvisvar í viku með 2. deild. Svo ætla ég að koma mér af stað í ræktina tvisvar í viku. Til þess að bæta fyrir alla þessa kaloríubrennslu er saumaklúbbur annan hvern fimmtudag. Síðan fer ég á fundi hjá Fræðslunefnd á Reyðarfjörð annan hvern miðvikudag. Ég prísa mig sem sagt sæla og meira en það fyrir að vera búinn með námið í bili eins og Freyr myndi orða það! En ég verð að segja að mér finnst vetrarrútínan mun skemmtilegri en sumarrútínan ;-)
Freyr er mjög kátur, hann blaðrar alveg óskaplega mikið og gefur bara í eftir að vera byrjaður í leikskóla. Honum finnst mjög gaman að hlusta á ýmis lög og alltaf þegar hann sest uppí bíl segir hann ,,fallega Steina núna!" og er það þá lagið ,,fann ég á fjalli" sem við þurfum alltaf að vera tilbúin með í græunum. Upp á fjall er í miklu uppáhaldi með látbragði og öll lög þar sem við höfum tækifæri til að segja ,,hei" eru mjög skemmtileg.
Ég skrapp til Akureyrar um síðustu helgi að hitta hana Bryndísi vinkonu en hún kom keyrandi frá Króknum. Þetta var hin skemmtilegasta helgi hjá okkur eins og við var að búast, lágum í heitum potti í marga klukkutíma og fengum m.a. nudd frá stæltum karlmanni og andlistmaska frá kurteysri stelpuskjátu, fórum í leikhús, í bakarí, út að borða og í búðir, þetta síðarnefnda var aðeins og tímafrekt fyrir draumaferðina okkar og ætlum við að minnka það í næstu ferð.
Framundan er vonandi nokkuð róleg helgi, með berjartínslu ýmisskonar, tiltekt, nokkrum verkefnum í húsinu, leik, söng og sjónvarpsgláp.
Hafið það gott sömuleiðis
Freyr er mjög kátur, hann blaðrar alveg óskaplega mikið og gefur bara í eftir að vera byrjaður í leikskóla. Honum finnst mjög gaman að hlusta á ýmis lög og alltaf þegar hann sest uppí bíl segir hann ,,fallega Steina núna!" og er það þá lagið ,,fann ég á fjalli" sem við þurfum alltaf að vera tilbúin með í græunum. Upp á fjall er í miklu uppáhaldi með látbragði og öll lög þar sem við höfum tækifæri til að segja ,,hei" eru mjög skemmtileg.
Ég skrapp til Akureyrar um síðustu helgi að hitta hana Bryndísi vinkonu en hún kom keyrandi frá Króknum. Þetta var hin skemmtilegasta helgi hjá okkur eins og við var að búast, lágum í heitum potti í marga klukkutíma og fengum m.a. nudd frá stæltum karlmanni og andlistmaska frá kurteysri stelpuskjátu, fórum í leikhús, í bakarí, út að borða og í búðir, þetta síðarnefnda var aðeins og tímafrekt fyrir draumaferðina okkar og ætlum við að minnka það í næstu ferð.
Framundan er vonandi nokkuð róleg helgi, með berjartínslu ýmisskonar, tiltekt, nokkrum verkefnum í húsinu, leik, söng og sjónvarpsgláp.
Hafið það gott sömuleiðis
7. ágúst 2008
Loksins eitthvað líf hér
Lesendur hafa eitthvað verið að kvarta yfir blogg- og myndaleysi hér. Ég skal reyna að bæta aðeins fyrir það núna.
Það hefur margt drifið á daga okkar síðan Svenni fór til Ameríku.
Á sjómannadaginn var farið í siglingu.
Við fórum til Frakklands um miðjan júní og vorum fram í júlí. Við fórum með Grími og Sýbillu auk þess sem Harpa, Gunnar og strákarnir voru líka með okkur framan af.
Við vorum fyrst öll saman í viku í Center Parcs garði þar sem mjög vel fór um okkur. Þarna var mjög þægilegt að vera með Frey, nóg að gera og Freyr, Kári og Birkir gátu mikið leikið sér saman - sem sagt rólegt og þægilegt fyrir foreldrana. Við getum alveg tekið að okkur að skipuleggja barnvænar ferðar í svona garða fyrir þá sem vilja ;-).
Næstu viku vorum við á tjaldstæði (í húsi) á Bretagne skaganum, nálægt Vannes. Þar keyrðum við svolítið um í kring auk þess sem kvenpeningnum var sleppt (treglega, gengi Evru frekar óhagstætt) í búðaráp.
Síðustu dagana vorum við svo í París, gistum reyndar í útborg (Poissy) og tókum lest inn í bæ. Við mælum ekkert sérstaklega með því að ferðast með lítil börn í París, t.d. eru barnastólar óþekktir á veitingastöðum og aðgengi fyrir kerrur er víðast hvar erfitt. Við skoðuðum þó það helsta ætlast er til af túristum þessari borg.
Litlu munaði að við næðum ekki fluginu heim. Við lögðum tímanlega af stað frá hótelinu og vorum komin að flugvellinum á mjög skikkanlegum tíma. Eitthvað vöfðust þó merkingarnar á slaufunum og flækjunum á flugvallavegunum fyrir okkur og tókst okkur ekki að komast að réttu terminal-i (sem Frakkar vilja víst kalla Aerogare (vitum það næst)). Við komumst heldur ekki á bílaleigubílastæði eftir að hafa elt löggu sem var svo "góð" að leiðbeina okkur um hvert við ættum að fara - á 100 km hraða á 2 hjólum um allar slaufurnar með ýmsum óræðum bendingum út um afturgluggann (lítið gagn í þeim). Við enduðum með að leggja bílnum í almennt bílastæði á snarvitlausum stað, orðin alltof sein í vitlausu Aerogare. Með heilmiklum hlaupum og ruðningi í öryggisleitarröðinni tókst okkur þó að komast inn í vél rétt áður en dyrunum var lokað og var það mjög þreyttur, sveittur og kaffiþurfandi hópur sem sökk niður í sætin á heimleiðinni, Freyr svaf t.d. allt flugið.
Eftir að heim var komið fórum við í að sá í næsta skammt af garðinum, nú er mest allt gras að verða komið. Svenni fór svo á Sprengisand með björgunarsveitinni í 5 daga og Hrönn fór á Ísafjörð að passa strákana á meðan. Svenni keyrði svo vestur eftir óbyggðadvölina þar sem Sýbilla hélt upp á sextugsafmæli sitt.
Svo tók við Verslunarmannahelgi þar sem óvenju lítið var um gesti, en Guðrún, Friðbjörn og Oddur Ingi litu þó við auk þess sem Steinunn, Stefán og Ólína voru í bænum. Svenni var frekar upptekinn við störf fyrir björgunarsveitina, tívolírekstur og gæslu.
Eins og þið sjáið er eitthvað komið inn af myndum. Öll albúmin er að finna á myndasíðu hlekknum hér til hliðar.
Það hefur margt drifið á daga okkar síðan Svenni fór til Ameríku.
Á sjómannadaginn var farið í siglingu.
 |
| Sjómannada |
Við fórum til Frakklands um miðjan júní og vorum fram í júlí. Við fórum með Grími og Sýbillu auk þess sem Harpa, Gunnar og strákarnir voru líka með okkur framan af.
Við vorum fyrst öll saman í viku í Center Parcs garði þar sem mjög vel fór um okkur. Þarna var mjög þægilegt að vera með Frey, nóg að gera og Freyr, Kári og Birkir gátu mikið leikið sér saman - sem sagt rólegt og þægilegt fyrir foreldrana. Við getum alveg tekið að okkur að skipuleggja barnvænar ferðar í svona garða fyrir þá sem vilja ;-).
Næstu viku vorum við á tjaldstæði (í húsi) á Bretagne skaganum, nálægt Vannes. Þar keyrðum við svolítið um í kring auk þess sem kvenpeningnum var sleppt (treglega, gengi Evru frekar óhagstætt) í búðaráp.
Síðustu dagana vorum við svo í París, gistum reyndar í útborg (Poissy) og tókum lest inn í bæ. Við mælum ekkert sérstaklega með því að ferðast með lítil börn í París, t.d. eru barnastólar óþekktir á veitingastöðum og aðgengi fyrir kerrur er víðast hvar erfitt. Við skoðuðum þó það helsta ætlast er til af túristum þessari borg.
Litlu munaði að við næðum ekki fluginu heim. Við lögðum tímanlega af stað frá hótelinu og vorum komin að flugvellinum á mjög skikkanlegum tíma. Eitthvað vöfðust þó merkingarnar á slaufunum og flækjunum á flugvallavegunum fyrir okkur og tókst okkur ekki að komast að réttu terminal-i (sem Frakkar vilja víst kalla Aerogare (vitum það næst)). Við komumst heldur ekki á bílaleigubílastæði eftir að hafa elt löggu sem var svo "góð" að leiðbeina okkur um hvert við ættum að fara - á 100 km hraða á 2 hjólum um allar slaufurnar með ýmsum óræðum bendingum út um afturgluggann (lítið gagn í þeim). Við enduðum með að leggja bílnum í almennt bílastæði á snarvitlausum stað, orðin alltof sein í vitlausu Aerogare. Með heilmiklum hlaupum og ruðningi í öryggisleitarröðinni tókst okkur þó að komast inn í vél rétt áður en dyrunum var lokað og var það mjög þreyttur, sveittur og kaffiþurfandi hópur sem sökk niður í sætin á heimleiðinni, Freyr svaf t.d. allt flugið.
 |
| Frakkland 2008 |
Eftir að heim var komið fórum við í að sá í næsta skammt af garðinum, nú er mest allt gras að verða komið. Svenni fór svo á Sprengisand með björgunarsveitinni í 5 daga og Hrönn fór á Ísafjörð að passa strákana á meðan. Svenni keyrði svo vestur eftir óbyggðadvölina þar sem Sýbilla hélt upp á sextugsafmæli sitt.
 |
| Afmælisfer |
Svo tók við Verslunarmannahelgi þar sem óvenju lítið var um gesti, en Guðrún, Friðbjörn og Oddur Ingi litu þó við auk þess sem Steinunn, Stefán og Ólína voru í bænum. Svenni var frekar upptekinn við störf fyrir björgunarsveitina, tívolírekstur og gæslu.
Eins og þið sjáið er eitthvað komið inn af myndum. Öll albúmin er að finna á myndasíðu hlekknum hér til hliðar.
18. maí 2008
Húsbóndinn vestur um haf
Húsbóndinn er nú staddur í Washington DC og fer á námskeið eftir helgi á vegum vinnunnar.
Laugardaginn notaði hann vel til að kaupa myndavél og fara í smá myndatökutúr um Washington.
Myndaalbúm er komið á sinn stað
Laugardaginn notaði hann vel til að kaupa myndavél og fara í smá myndatökutúr um Washington.
Myndaalbúm er komið á sinn stað
 |
| Svenni í Washington DC og nágrenni |
12. apríl 2008
Hvenær kemur vor?
Nú er langt um liðið síðan síðast, húsfrúin hefur líka tollað heima óvenju lengi. Við virðumst vera svo upptekin við að horfa á sjónvarpið þegar við erum bæði heima að ekki gefst tími fyrir blogg. Húsbóndinn kann aftur á móti ekki að kveikja sjálfur á sjónvarpinu þannig að þá er úr vöndu að ráða þegar frúin fer að heiman. Nú eru allir heima en áhugi á söngvakeppni framhaldsskólanna er misjafn.
Glöggir lesendur hafa e.t.v. rekið augun í nýtt myndaalbúm sem datt inn á dögunum. Þar má t.d. sjá að við höfum
farið á skíði
búið til snjóhús
skoðað furðudýrið á Skorrastað, og hest
dregið ömmur og frænkur á skíði
borðað páskaegg
fengið gesti
og margt fleira.
Freyr hefur verið nokkuð duglegur að ná sér í pestir, síðustu viku hefur hann verið með hita og eyrnabólgu en er kominn á pensilín og fer þetta vonandi að lagast ... og svo fer heilsufarið vonandi almennt batnandi með hækkandi sól og vori í lofti (sem lætur nú eitthvað bíða sér).
Aprílferð húsbóndans til New York ferð breyttist í maíferð til Reston, Virginia (sem er Garðabær Washington DC). Þar á að reyna að kenna honum við annan mann á þau tæki og tól sem hann hefur verið að nota í vinnunni síðust 4 ár - tími kominn til. Google Earth hefur verið notað til hins ítrasta til að kynnast aðstæðum á svæðinu og er búið að finna nákvæma loftmynd af námskeiðsstaðnum, hótelinu (ásamt sundlauginni og pottinum), hvíta húsinu og fleira tilheyrandi. Eins er búið að spotta út næstu Starbucks kaffihús, eþíópískan veitingastað (er ekki líklegt að maður fari svangur út af svoleiðis stað?) og ýmislegt fleira misgagnlegt - hápunktur ferðarinnar hingað til (að því gefnu að enn er mánuður í hana) er væntanleg skoðunarferð á Segway (tm) um Washington DC, meiri snilld fyrirfinnst varla!
Þau undur og stórmerki gerðust hér á dögunum að handriðið á stigapallinn barst í hús, ekki nema rúmum 13 mánuðum eftir að það var pantað, Dalkó með skjóta og góða þjónustu að vanda NNNNNNNNNNNOOOOOOOOOOOOOOOTTTTTTTTTTTTTTTT!!!!!!!!!!!!!!! Húsbóndinn hefur verið að brasa við það í dag að koma þessu á sinn stað, búið er að líma fótstykkið niður og nú verður spennandi að sjá hvort límkítti er nógu öflugt til að halda þessu.
Jæja, þá er söngvakeppnin búin og víst best að fara að hætta þessu bloggveseni, bölvað svínarí að Bændaskólinn skyldi ekki vinna þetta - þeir fengu ekki einu sinni verðlaun... andskotans Reykjavíkurpakk sem stjórnar þessu - ég legg til að landsbyggðin segi sig úr þessari keppni og haldi sína eigin!
Glöggir lesendur hafa e.t.v. rekið augun í nýtt myndaalbúm sem datt inn á dögunum. Þar má t.d. sjá að við höfum
farið á skíði
búið til snjóhús
skoðað furðudýrið á Skorrastað, og hest
dregið ömmur og frænkur á skíði
borðað páskaegg
fengið gesti
og margt fleira.
Freyr hefur verið nokkuð duglegur að ná sér í pestir, síðustu viku hefur hann verið með hita og eyrnabólgu en er kominn á pensilín og fer þetta vonandi að lagast ... og svo fer heilsufarið vonandi almennt batnandi með hækkandi sól og vori í lofti (sem lætur nú eitthvað bíða sér).
Aprílferð húsbóndans til New York ferð breyttist í maíferð til Reston, Virginia (sem er Garðabær Washington DC). Þar á að reyna að kenna honum við annan mann á þau tæki og tól sem hann hefur verið að nota í vinnunni síðust 4 ár - tími kominn til. Google Earth hefur verið notað til hins ítrasta til að kynnast aðstæðum á svæðinu og er búið að finna nákvæma loftmynd af námskeiðsstaðnum, hótelinu (ásamt sundlauginni og pottinum), hvíta húsinu og fleira tilheyrandi. Eins er búið að spotta út næstu Starbucks kaffihús, eþíópískan veitingastað (er ekki líklegt að maður fari svangur út af svoleiðis stað?) og ýmislegt fleira misgagnlegt - hápunktur ferðarinnar hingað til (að því gefnu að enn er mánuður í hana) er væntanleg skoðunarferð á Segway (tm) um Washington DC, meiri snilld fyrirfinnst varla!
Þau undur og stórmerki gerðust hér á dögunum að handriðið á stigapallinn barst í hús, ekki nema rúmum 13 mánuðum eftir að það var pantað, Dalkó með skjóta og góða þjónustu að vanda NNNNNNNNNNNOOOOOOOOOOOOOOOTTTTTTTTTTTTTTTT!!!!!!!!!!!!!!! Húsbóndinn hefur verið að brasa við það í dag að koma þessu á sinn stað, búið er að líma fótstykkið niður og nú verður spennandi að sjá hvort límkítti er nógu öflugt til að halda þessu.
Jæja, þá er söngvakeppnin búin og víst best að fara að hætta þessu bloggveseni, bölvað svínarí að Bændaskólinn skyldi ekki vinna þetta - þeir fengu ekki einu sinni verðlaun... andskotans Reykjavíkurpakk sem stjórnar þessu - ég legg til að landsbyggðin segi sig úr þessari keppni og haldi sína eigin!
1. mars 2008
Einir heima
Hrönn er víst í Reykjavík og þá treysta dyggir lesendur á það að hér birtist eitthvað. Ég skal reyna að verða við þeim óskum.
Hrönn er búinn að vera í Reykjavík síðan á miðvikudagskvöld í námslotu og gistir þar hjá háttvirtum og virðulegum fjórða þingmanni Reykjavíkurkjördæmis norður. Mér skilst að ferðin hafi að venju verið notuð í búðarferðir og bíó þegar skóladegi lýkur.
Guðlaug dagmamma segist taka eftir að Freyr hegði sér öðruvísi hjá henni þegar mamman er ekki heima, þá eltir hann Guðlaugu hvert sem hún fer - ekki tek ég eftir miklum breytingum á honum nema að hann virðist sofa betur, lengur og í eigin rúmi þegar hann á ekki von á mömmu sinni. Hann svaf t.d. í fyrsta skipti í langan tíma alla nóttina í sínu rúmi í fyrrinótt.
Á fimmtudaginn komu Óla ömmusystir og Tinna frænka og léku við Frey meðan pabbinn kláraði vinnudaginn á heimaskrifstofunni - það var svaka fjör og tók þónokkra stund að róa drenginn niður eftir að frænkunum var hleypt heim.
Hér fór allt á kaf í snjó aftur á aðfararnótt fimmtudags og þurfti ég að moka mig út í gegnum í ruðninginn af götunni eins og fleiri. Yfirleitt skefur af bílastæðinu hérna hjá okkur og það stendur autt en ruðningurinn af götunni er himinhár, nú snjóaði samt í það litlum vindi að snjórinn fór ekkert í burtu. Við eigum sem betur fer góða nágranna sem eru duglegir að nota tækin sín til að moka bílastæðið - stæðið okkar fær þá stundum að fljóta með, a.m.k. göturuðningurinn.
Við erum búin að panta okkur sumarhús í Frakklandi í sumar í eina viku. Ætlum að vera þar ásamt Tengdó, Hörpu, Gunnari og strákunum. Svo er stefnan að keyra eitthvað um Frakkland og jafnvel finna okkur sumarhús annars staðar. Meiningin er að vera rúmar 2 vikur, seinni hluta júní.
Ég er svo að gæla við það að skella mér í vikuferð til New York í apríl, á námskeið - en það er ekki fullfrágengið ennþá. Ég verð nú að fá að stinga af líka fyrst frúin tollir aldrei heima ;-)
En já ætli það sé ekki best að fara að ferðbúast, erum að fara að sækja Hrönn í flug í Héraðið. Ég þarf líka aðeins að komast í Húsasmiðjuna - ég er nefnilega nokkuð duglegur við að kaupa mér tæki, tól og byggingarefni sem mér finnst þurfa til að klára fráganginn á húsinu - en ég er ekki alveg eins duglegur að nota þetta allt saman. Nú er bílskúrinn og nánast tvo herbergi full af byggingarvörum sem á eftir að koma á sinn stað. Þetta hlýtur að hafast að lokum.
Hrönn er búinn að vera í Reykjavík síðan á miðvikudagskvöld í námslotu og gistir þar hjá háttvirtum og virðulegum fjórða þingmanni Reykjavíkurkjördæmis norður. Mér skilst að ferðin hafi að venju verið notuð í búðarferðir og bíó þegar skóladegi lýkur.
Guðlaug dagmamma segist taka eftir að Freyr hegði sér öðruvísi hjá henni þegar mamman er ekki heima, þá eltir hann Guðlaugu hvert sem hún fer - ekki tek ég eftir miklum breytingum á honum nema að hann virðist sofa betur, lengur og í eigin rúmi þegar hann á ekki von á mömmu sinni. Hann svaf t.d. í fyrsta skipti í langan tíma alla nóttina í sínu rúmi í fyrrinótt.
Á fimmtudaginn komu Óla ömmusystir og Tinna frænka og léku við Frey meðan pabbinn kláraði vinnudaginn á heimaskrifstofunni - það var svaka fjör og tók þónokkra stund að róa drenginn niður eftir að frænkunum var hleypt heim.
Hér fór allt á kaf í snjó aftur á aðfararnótt fimmtudags og þurfti ég að moka mig út í gegnum í ruðninginn af götunni eins og fleiri. Yfirleitt skefur af bílastæðinu hérna hjá okkur og það stendur autt en ruðningurinn af götunni er himinhár, nú snjóaði samt í það litlum vindi að snjórinn fór ekkert í burtu. Við eigum sem betur fer góða nágranna sem eru duglegir að nota tækin sín til að moka bílastæðið - stæðið okkar fær þá stundum að fljóta með, a.m.k. göturuðningurinn.
Við erum búin að panta okkur sumarhús í Frakklandi í sumar í eina viku. Ætlum að vera þar ásamt Tengdó, Hörpu, Gunnari og strákunum. Svo er stefnan að keyra eitthvað um Frakkland og jafnvel finna okkur sumarhús annars staðar. Meiningin er að vera rúmar 2 vikur, seinni hluta júní.
Ég er svo að gæla við það að skella mér í vikuferð til New York í apríl, á námskeið - en það er ekki fullfrágengið ennþá. Ég verð nú að fá að stinga af líka fyrst frúin tollir aldrei heima ;-)
En já ætli það sé ekki best að fara að ferðbúast, erum að fara að sækja Hrönn í flug í Héraðið. Ég þarf líka aðeins að komast í Húsasmiðjuna - ég er nefnilega nokkuð duglegur við að kaupa mér tæki, tól og byggingarefni sem mér finnst þurfa til að klára fráganginn á húsinu - en ég er ekki alveg eins duglegur að nota þetta allt saman. Nú er bílskúrinn og nánast tvo herbergi full af byggingarvörum sem á eftir að koma á sinn stað. Þetta hlýtur að hafast að lokum.
22. febrúar 2008
Afmælismyndavídeó og nýjar myndir
Þá er kéllingin stungin af enn eina ferðina í námsferð, og við kallarnir erum skildir eftir heima... og þá er loksins bloggað, reyndar er þetta svona næturblogg eins og hjá Össuri en ég ætla ekkert að reyna að feta í fótspor hans í efnistökum og orðaleikjum.
Ég ætlaði nú bara aðallega að tilkynna nýtt myndaalbúm, 12-13 mánaða og svo fylgir þessari færslu smá vídeóstubbur úr afmælismyndunum.
 |
| 12 til 13 mánaða |
Freyr veiktist fljótlega eftir afmælið, fékk fyrst ælupest og niðurgang og svo hita í kjölfarið á því. Ætli þetta hafi ekki tekið hátt í 2 vikur allt í allt. Amma hans kom frá Vopnafirði og hjálpaði til við pössun svo þetta gekk allt upp að lokum.
En nú er Freyr eitthvað farinn að kvarta yfir þessu næturbrölti mínu, þannig að það er sennilega réttast að láta þetta duga í bili.
24. janúar 2008
Eins árs
Við héldum 2 veislur, á sunnudaginn fyrir börnin og svo á þriðjudaginn, afmælisdaginn sjálfan fyrir ömmur og afa. Þetta heppnaðist bara í alla staði vel, drengurinn fékk fullt af góðum gjöfum og ég held að flestir hafi fengið nægju sína af bakkelsi.
Annars er það helst að frétta af stráknum að nú æfir hann sig stíft að ganga og er bara að verða nokkuð lunkinn við það. Hann er farinn að velja það frekar að labba styttri leiðir en að skríða svo þetta er allt að koma. 2 tennur bættust við rétt tímanlega fyrir afmælið svo nú eru þær orðnar 4, 2 í neðri góm og 2 í efri góm.
Í kvöld ætlar mamman svo að stinga okkur feðga af til að fara í starfsþjálfun til Hafnar í Hornafirði ! Þetta er hluti af náms- og starfsráðgjafanáminu en mér finnst þetta alveg ótrúlegt að hægt sé að bjóða mönnum upp á þetta, ég sé fyrir mér að Reykvíkingar myndu láta bjóða sér að fara til Akureyrar í starfsþjálfun! En það virðist vera frekar fátæklegt úrval hér fyrir austan af fyrirtækjum og/eða stofnunum sem geta tekið að sér nema í þessu fagi. En við fáum nú vonandi húsmóðurina aftur heim annað kvöld.
Í síðustu viku var dagmömmuvesen á okkur, dóttir dagmömmunnar veiktist og var "sjoppunni" lokað á meðan, við náðum þó að greiða úr því með hjálp fjölskyldu og vina. Þessa vikuna er Freyr svo búinn að vera til 4 á daginn hjá dagmömmu og virðist það ganga ágætlega.
Setti inn myndir um daginn frá "stúdíó"myndatöku af Frey í desember, það raðast aðeins aftar en nýjustu myndirnar í röðina en eru margar hverjar alveg þess virði að skoða þær.
10. janúar 2008
Húskofarnir í Reykjavík
... og fyrst ég er kominn í gírinn, 3 blogg á einu kvöldi ættu að halda dyggum lesendum í losti næstu mánuði þannig að það liggur ekkert á næsta skammti.
Óskaplega geta menn verið viðkvæmir fyrir þessum húskofum á Laugaveginum, mér virðast þetta bara vera gamlir hjallar sem eru engum til gagns og eru bara fyrir. BDSM bandalagið (Björn, Dagur, Svandís, Margrét) sem ræður víst ríkjum í borginni þessa stundina, ætlaði að fá að flytja þetta í burtu og byggja þetta upp annars staðar það er nú jafnvel enn verra en að láta þetta standa á sínum stað.
Auðvitað verður að finna milliveg á milli þess að rífa allt og vernda allt en ég held að það sem höfuðborgin okkar þarfnast sé nútímalegri miðbær. Loka laugaveginum frá Snorrabraut og niðurúr og gera að göngugötu, rífa hjallana og byggja ný smekkleg hús (ekki of há) sem standast byggingareglugerðir þessarar aldar - eða a.m.k. þeirrar síðustu.
... en ég hef svo sem ekkert vit á þessu.
Óskaplega geta menn verið viðkvæmir fyrir þessum húskofum á Laugaveginum, mér virðast þetta bara vera gamlir hjallar sem eru engum til gagns og eru bara fyrir. BDSM bandalagið (Björn, Dagur, Svandís, Margrét) sem ræður víst ríkjum í borginni þessa stundina, ætlaði að fá að flytja þetta í burtu og byggja þetta upp annars staðar það er nú jafnvel enn verra en að láta þetta standa á sínum stað.
Auðvitað verður að finna milliveg á milli þess að rífa allt og vernda allt en ég held að það sem höfuðborgin okkar þarfnast sé nútímalegri miðbær. Loka laugaveginum frá Snorrabraut og niðurúr og gera að göngugötu, rífa hjallana og byggja ný smekkleg hús (ekki of há) sem standast byggingareglugerðir þessarar aldar - eða a.m.k. þeirrar síðustu.
... en ég hef svo sem ekkert vit á þessu.
Facebook og Myspace
Hef verið spurður að því af hverju ég sé horfinn af Facebook.
Við því er einfalt svar. Fyrir nokkru bauð mér maður nokkur í "my extended family" að vera vinur sinn á facebook, jú jú mér líkaði svo sem ágætlega við þann mann ... þá !
Svo vatt þetta uppá sig, vinir vina manns vildu vera vinir manns, ættingjar hentu í mann rollum, ég gaf einhverjum mörgæs ... allt svakalega spennandi ... eða þannig. Ég lagði nú ekkert sérstaklega mikið upp úr því að hanna prófílinn minn en smám saman hlóðst inn á hann allskonar svona rusl um fólk potandi hvort í annað og kastandi rollum. Fljótt varð þetta svo yfirþyrmandi að ég fékk magaverk og hjartsláttartruflanir í hvert skipti sem ég slysaðist til að opna þessa hörmung.
Ég ætlaði að tilnefna facebook sem ljótasta og óþarfasta fyrirbæri í netheimum en í kvöld rambaði ég inn á myspace síðu ... úff púff ... fésbókin leit bara út fyrir að vera mjög fallegt og gagnlegt tól í þeim samanburði.
HEFUR FÓLK VIRKILEGA EKKERT ÞARFARA AÐ GERA ???????
Ég vona að vinir mínir og ættingjar sem reynt hafa að henda í mig rollum og öðru lauslegu í trausti þess að það geti talist góð leið til að "vera í sambandi" fyrirgefi mér þetta óþol á tengslasíðum, en ég er búinn að komast að því að þær eru ekki minn tebolli.
Vinsamlegast ekki pota í mig !
Kveðja Fýlupokinn Sv1
Við því er einfalt svar. Fyrir nokkru bauð mér maður nokkur í "my extended family" að vera vinur sinn á facebook, jú jú mér líkaði svo sem ágætlega við þann mann ... þá !
Svo vatt þetta uppá sig, vinir vina manns vildu vera vinir manns, ættingjar hentu í mann rollum, ég gaf einhverjum mörgæs ... allt svakalega spennandi ... eða þannig. Ég lagði nú ekkert sérstaklega mikið upp úr því að hanna prófílinn minn en smám saman hlóðst inn á hann allskonar svona rusl um fólk potandi hvort í annað og kastandi rollum. Fljótt varð þetta svo yfirþyrmandi að ég fékk magaverk og hjartsláttartruflanir í hvert skipti sem ég slysaðist til að opna þessa hörmung.
Ég ætlaði að tilnefna facebook sem ljótasta og óþarfasta fyrirbæri í netheimum en í kvöld rambaði ég inn á myspace síðu ... úff púff ... fésbókin leit bara út fyrir að vera mjög fallegt og gagnlegt tól í þeim samanburði.
HEFUR FÓLK VIRKILEGA EKKERT ÞARFARA AÐ GERA ???????
Ég vona að vinir mínir og ættingjar sem reynt hafa að henda í mig rollum og öðru lauslegu í trausti þess að það geti talist góð leið til að "vera í sambandi" fyrirgefi mér þetta óþol á tengslasíðum, en ég er búinn að komast að því að þær eru ekki minn tebolli.
Vinsamlegast ekki pota í mig !
Kveðja Fýlupokinn Sv1
Gerast áskrifandi að:
Færslur (Atom)